Reporter ni: Tita Jen Palomo Debaja
Halos naga palangdulom na ang panulok sang isa ka Ilongga sa subra nga kagutom matapos gin padlock sa rooftop kag bisan tubig wala gintagaan sang mga amo sini sa sulod sang masubra 12 ka oras tungod gid lang naglisensiya ini nga mapauli sa Pilipinas.
Nangayo sang bulig nga i-rescue si Blanca Santorio, 40 anyos nga taga M’lang, South Cotabato apang anay residente sang Pototan, Iloilo paagi sa akon paryenti nga si Lily. Mag utod ang amo ni Blanca kag sang hinablos namun nga si Shiela sa Kuwait.
Suno sa panaysayon ni Blanca, natapos na ang iya kuntrata sang Abril 10 apang sang ginremind sini ang iya amo nahanungod sa passport kag ticket kay mapauli na siya sa Pilipinas, gulpi lang ini nag hysterical kag nagsiling nga matawag sang pulis agud ipapriso si Blanca.
Luwas nga ginpahog, ginsakit pa ini sang amo kg gintuyo pa agawun ang iya cellphone apang nakadalagan ini sa rooftop rason nga ginpadlock na ini sang amo kag gab e na gin pa buksan sa upod sini nga isa ka Ethiopian.Sa kahadluk nga dal on sa presinto, naglock si Blanca sa ila kwarto kag gin agwanta ang kagutom.
Sa bulig sang aton correspondent sa Kuwait naaksyunan sang RESCUE TEAM ang pagkuha kay Blanca sa balay sang mga amo sini. Subong yara na si Blanca sa Shelter sang embahada kag gina pangamuyo man natun ang madasig sini nga pagpauli sa Pilipinas.
