BACOLOD CITY – Nagpasalamat na lamang si Cong. Albee Benitez nga wala sang may nasamaran sa iya grupo matapos nga ini sila ang aksidente nga naka-bulasot sa isa ka kahoy nga foot bridge kahapon sang aga sa Rio Hondo, Brgy. San Jose Gusu, Zamboanga City.
Suno kay Cong. Albee nga ini siya upod sa ila nanday Cong. Celso Lobregat, Zamboanga City Mayor Beng Climaco, Gil Climaco kag iban pa nga staff ang nagpatigayon sang ocular inspection sa ginpakaayo nga mga balay sa relocation site nga ginahamtangan sang mga survivors sang Zamboanga siege.
Pahayag ni Cong. Albee nga samtang ini sila ang nagalakat patabok sa footbridge hinali na lamang ini nga narumpag kag ini sila ang nagkalahulog.
Siling sang kongresista nga taga-hawak gid lamang ang tubig gani nabasa lang sila kag nahigkuan sang lunang ang ila mga bayo, sapatos kag delargo.
Nagpasalamat si Cong. Albee nga wala sang may napilasan sa ila grupo./dyHB BACOLOD
