Roxas City, Capiz- Maswerte nga nasalbar sang mga katapo sang Philippine Coast Guard ang siyam ka mga persona nga pasahero sang motor banca Ma. Ethel Joy matapos ini ang na-aberya sa area sang Culasi Point, Brgy. Culasi, Roxas City alas 9:21 sang gab-e.
Suno sa pahayag sang narescue nga pasahero nga ginkilala kanday Dedecacion Castillo kag Manuel Teorico, nag-outing ang pamilya sang mga ini padulong sa Maba-ay Island. Apang sang nagapauli na ang mga ini alas 5:10 sang hapon, dimalas nga napatay ang makina sang baroto kabangdanan sang aberya kag nagtener ang mga ini snag pila ka oras sa tunga sang lawod.
Natigayon nga marescue ang mga ini sang nagpadulong sa Coast Guard Station si Nixon Ginog agud nga i-impormar ang nasambitan nga insidente.
Sa subong, ang mga biktima ang yara na sa maayo nga kondisyon matapos nga gindungka sa Culasi Port kag nakabalik naman sa tagsa nila ka mga poluy-an.
photo © Coast Guard Station Roxas
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
