BACOLOD CITY – Nasumbagan sang isa ka hubog nga sibilyan ang isa ka pulis nga nagresponder sa tawag nga may nagamauy sa isa ka kahiwatan sa Purok 1, Brgy. Granada kaina sang kaagahon angut sa kapiestahan sang barangay.
Nakilala ang biktima nga si PO1 Jerome Yanson, 28 anyos ang edad, soltero, pumuluyo sang Villa Homes, Brgy. Granada kag assigned sa Police Station 5.
Samtang nakilala naman ang suspek nga si Ronel Abdana, 25 anyos ang edad kag pumuluyo man sang amo nga barangay.
Suno sa report, pasado las 2 kaina sang kaagahon, nakabaton sang tawag ang PS5 nga may lalaki nga nagamauy sa isa ka kahiwatan sa bisperas sang fiesta sa amo nga barangay.
Gilayon nga nagpadulong ang pulis kag sang nag-pacify si PO1 Yanson kon diin sang amo nga tini-on wala ini siya naka uniporme.
Ginpahayag nga bangud hubog na ang suspek wala ini nagpamati sang ginsaway gani ginli-ab siya ni PO1 Yanson.
Siling sang suspek, wala siya nakahibalo nga pulis gali ang nagli-ab sa iya rason nga ini ang iya nasumbagan.
Gindala sa Corazon Locsin Montelibano Memorial Regional Hospital ang pulis matapos ini nakaangkon sang pilas sa iya ilong kag kilay./dyHB BACOLOD
