Davao City – Padayon karong nanawagan og tabang ang mga apektado sa sunog sa Brgy. 9-A ning syudad sa Davao labi na kadtong walay nasalba nga bisan usa nga gamit.
Sa interbyu sa DXDC RMN Davao kang Parco Nery, usa sa mga nasunogan, gibutyag niini ilang nag-unang panginahanglan mao ang pagkaon ug mga sinina labi na alang sa ilang mga estudyante.
“Kadtong naay malumong kasing-kasing, wala gyud intawon mi nadawdaw kay wala man mi sa pagkahitabo. Kinahanglan gyud namo ang kuan sa mga bata kay dili sila ka eskwela, walay mga uniporme,” saysay ni Nery.
Samtang, gina validate na usab sa City Social Service Development Office (CSSDO) ang mga biktima aron matunolan sa tabang pinansyal diin una nang natunol sa nahisgutan ang pagkaon, balde, banig ug uban pa.
Gikatakda usab nga mutunol ang RMN foundation og tabang sa nahisgutang mga biktima karong adlawa.
RadyoMaN Kirby Manzon
