Natanggap na mga bakuna ng bansa, kinulang ng mahigit 4-M nitong August

Nabigo ang national government na magkaroon ang bansa ng 22,726,060 vaccine laban sa COVID-19 nitong buwan ng Agosto.

Batay sa National Task Force (NTF) Against COVID-19, mula Agosto 1 hanggang 31, nakatanggap ang bansa ng 18,039,890 doses ng mga bakuna.

Ito ay kinulang ng 4,686,170 doses ng COVID-19 na target sanang matanggap ng bansa nitong Agosto 3.

Kabilang na rito ang 13,524,790 binili ng gobyerno, 3,000,060 doses mula sa COVAX Facility at 1,515,040 doses na donasyon ng ilang bansa.