Misaka na sa 80 ka mga pulis ang nagpositibo sa Covid-19 sa tibuok nasud sa pilipinas.
Apil na niini ang 12 ka pasyente nga naka rekober ug 3 ang mga namatay tungod sa virus.
Natala usab ang 567 ka mga suspected cases sa hanay sa mga pulis sukad nga mikuyap ang virus dinhi sa nasud samtang 95 niini ang mga probable cases.
Kadaghan niini nga nagpositibo atua sa kauluhan tungod kay mao ang nahimong epicenter dinhi sa nasud.
Diri sa rehiyon 9 walay gikataho nga adunay mga sakop sa PNP ug AFP, ang nagpositibo sa virus, apan bisan paman niana, dili gihapon angayan mag kumpyansa ilabi na nga dili makita ang makalilisang nga sakit.
Gani kanunay nag awhag ang kapulisan nga mosunod lang kun unsay ipatuman nga balaod ilabi na diha sa mga quarantine checkpoint aron matabangan nga mapukan ang sakit nga covid-19 dili lamang dinhi sa rehiyon 9 kun dili lukop sa tibuok kalibutan
