Ang buwan sa Pebrero giila isip National Arts Month (NAM). “Ani ng Sining, Alab ng Sining” (Harvest of the Arts, Flame of Art) mao ang tema sa selebrasyon karong tuiga.
Isip prime government agency alang sa arts and culture ang National Commission for Culture and the Arts (NCCA) maoy nanguna tibuok nasud alang sa lainlaing mga activities para e celebrate ang naila nga “sevent arts”. Gikan sa dancing hangtud na sa painting.
Ug insakto kaayo kay sa akoang pag-uli karong hapona grabehang lipaya naku nga nakasaksi sa grupo sa mga on-the-spot painters o artists atubangan sa Cebu Provincial Building. Mura kog na-excite pagmaayo nga nagtan-aw sa ilang mga paintings nga nakabalandra sa kadalanan.
Akoang nahinabi ang usa sa mga artists nga si Melvin John, 26 anyos, taga Lapu Lapu City. Ingon pa niya nga hapit 8 ka oras na silang nagpwesto sa maong lugar alang mag-painting sa ilang subject nga mao ang Capitol Building.
Mao ni ang saysay ni Melvin sa akoang pagpakighinabi niya: “Kabahin ni sa selebrasyon sa NAM sa Cebu sir. Kay February man ang NAM gud. Actually naa pay laing mga artists sa laing lugar gane. Naay nagpainting sa Fuente Circle, sa may P. Del Rosario St., sa may Rizal Museum ug daghan pa. Daghan man sad ang niapil sir kay 50,000 pesos man ang grand prize aning on-the-spot painting contest gud. Ug beyond ana kay passion man ni naku gud. Mao pud ni akoang bread and butter sir.”
Exciting kaayo ang maong competition idol. May the best artist win! Petmalu gyud kaayo.
Kudos sa tanang mga Sugbuanong artists! Mabuhi ang tanang mga artists sa bisan unsa man nga arts! Ug hinaot pa nga makasaksi pa ang ordinaryong citizen sama naku sa uban pang kalihokan atol sa NAM.
