National Costume ni Miss Philippines bida sa Miss Universe runway.
Gisugdan na ang kompetisyon sa Miss Universe Pageant karung tuiga pinaagi sa pagrampa sa mga kandidata sul’ob ang ilang mga national costumes niadtong Sabado, Novermber 18 sa Las Vegas, USA.
Gipabilib ni Miss Philippines Rachel Peters ang audience sa iyang pagrampa sa Vegas runway; bida ang iyang gold sarimanok nga mugna sa fashion designer nga si Val Taguba. Si Taguba sad ang naghimo sa iyang evening gown kadtong pag-apil niya sa Binibining Pilipinas competition buwan sa Abril.
Gipakompleto pud ang iyang national costume sa iyahang gladiator heels nga gidesinyo ni Jojo Bragais
Gipahigayon ang National Costume show sa Planet Hollywood Resort and Casino, November 18, 2017.
Ang National Costume show naghatag og higayon sa mga kandidata nga ipakita sa international runway ang ilang nagkalain-laing kultura pinaagi sa ilang mga costume.
Ang Preliminaries sa Miss Universe kay naka skedyul nga matelecast November 25 (Sunday November 26 Manila time), Coronation night November 26 sa US.
Source: rappler.com
