Malaybalay City, Bukidnon – Timailhan matud pa ang national day of protest nga gideklara ni Pangulong Rodrigo Duterte sa gawasnong pagpadayag.
Sa interview sa RMN Malaybalay ngadto kang Presidential Communications Office (PCO) Secretary Martin Andanar gibutyag niya nga nagpakita matud pa kini sa pagkabukas ni Pangulong Duterte alang sa paghandom sa ika-45 anibersaryo sa deklarasyon sa martial law sa Setyembre 21, 2017.
Matud ni Sec. Andanar nga mahimo lang nga epektibo ang gobyerno kung ang tanan magpakabana ug mahimong aktibo.
Mas maayo matud pa nga ipakita ug ipadayag ang mga mulo aron mahimong matinud-anon ug mahimong corrupt free ang mga nangatungdanan sa gobyerno.
Nagpakita usab matud pa kini nga bukas ang gobyerno alang sa mga constructive suggestion gikan sa publiko.
Dungan niini gi-aghat ni Andanar ang publiko nga makighiusa sa day of protest sa bisan unsa nga pamaagi apil na sa social media.
Usa matud pa kini ka mensahe nga girespito sa pangulo ang freedom of expression sa kada Filipino.
