By: Joanna Ricote
Ipahigayon sunod bulan dinhi sa Cagayan de Oro ang ika 9 ka tuig nga National ICT Confederation of the Philippines – Information and Communications Technology Summit.
Nasayran nga sugdan kini karong November 16 ug mulungtad sa November 17, ning tuiga.
Matud ni Atty. Jocelle Batapa-Sigue, NCIP Founding Trustee and Summit Coordinator, nga sa November 16, ilusad nini ang DigitalCitiesPH sa Limketkai Luxe Hotel, samtang karong Novemver 17, himuon ang 6th EGOV awards o awards for excellence in ICT for Good Governance for Local Government Units.
Usa kini ka annual search alang sa best practice sa usa ka local government unit.
Nasayran nga karong tuiga, adunay 39 ka mga entries alang sa 5 ka category sa EGOV awards, nga gisalmotan sa 25 ka mga LGU, kung asa lakip na niini ang Cagayan de Oro.
Ang mahimong mananaog, naka-angkon sa 30 mil pesos alang sa unang ganti, 20 mil ug 10 mil pesos alang sa ikaduha ug ikatulong pwesto.
