Giklaro ni Dr. Janith Aves, Officer in-charge sa RSSO Philippine Statistics Authority 10 nga hingpit nang mapatuman ang national ID system sa tuig 2020 kon sunod tuig.
Matud ni Dr. Aves nga karon Setyembre ngadto Disyembre ning tuiga ipahigayon una ang prof of concept o dry run sa maong national ID.
Giklaro usab niini nga sa ipahigayong dry run ang Phil post maoy manguna sa pagpahigayon niini ug mokabat sa five million ang ilang testingan sa national ID kung asa ang mahimong prayoridad ang mga senior citizens ug mga benepisaryo sa 4ps.
Gibutyag usab ni Dr. Aves nga rason sa maong dry run nga makita ang unsa mang problema kung mapatuman na ang pag-isyu sa national ID ug aron nga wala nay problema kung hugot na kining masugdan sunod tuig.
Gipahimangnoan usab ni Dr. Aves ang katawhan nga dili magtoo-too ni bisan kinsa nga moingong nagsugod na silag isyu og national ID kay ila ra kining ipahibalo sa publiko kung mapatuman na.
