Giangkon sa usa ka opisyal sa DOJ-Inter Agency Against Trafficking (IACAT) nga misamot ang kaso sa human trafficking sa nasud hilabi na ang sex trafficking gumikan mismong mga ginikanan maoy nagabugaw sa ilang mga anak ngadto sa mga langyaw aron lang makakwarta.
Atol sa gihimong Forum sa Samahang Plaridel sa Manila Hotel gibutyag ni DOJ-Inter Agency Council Against Trafficking Assistant Secretary Jovie Ramirez nga rason nganong misamot ang human trafficking sa Pilipinas gumikan sa lisod nga panginabuhi sa mga menor de edad, mga kababaihan ingon man ang kawad-on ug edukasyon.
Pagpasabot ni Ramirez nga ang mga vulnerable community sama sa indigenous people, mga hilit nga lugar ug depressed area sa Metro Manila.
Bisag adunay consent makonsidera gihapon nga biktima ang mga kababainhan nga nahagbong sa human trafficking.
