Giduso na ni Deputy Speaker Raneo Abu ang sugyot nga magsilbing enabling law alang sa People’s Initiative isip pamaagi sa pag-amyenda sa balaod.
Bisag dugay nang anaa sa batakang balaod ang People’s Initiative isip usa sa Cha-cha mode apan gibutyag sa Korte Suprema nga nagkinahanglan kini ug enabling law.
Sa giduso nga House Bill 5724 ni Abu, ang katawhan maoy adunay direktang desisyon alang sa pagsugyot , pag-amyenda, pag-apruba o pag-reject sa gidusong Cha-cha.
Subay sa sugyot sa Deputy Speaker, ang petisyon alang sa pag amiyenda sa batakang balaod isumete ngadto sa iduso Commission on Elections.
Ang COMELEC usab ang magsuta ug magdeklara ug sufficiency sa petisyon ayha pa kini ibutang sa pahayagan.
Dungan niini magtakda ang COMELEC ug petsa alang sa referendum o plebesito sulod sa 60 hangtod sa 90 ka adlaw human sertipikahan ang sufficiency sa petisyon. Maaprobahan ang batakang balaod pinaagi sa People’s Initiative kung mayorya sa mga mubuto sa plebesito pabor niini.
