Mokabat na sa 13.5 milyong benepisaryo ang nakadawat na sa ikaduhang hugna sa Social Amelioration Program (SAP). Sa hearing sa House Committee on Good Government and Public Accountability, gibutyag ni Department of Social Welfare and Development (DSWD) Undersecretary Danilo Pamonag nga anaa sa P81.1 bilyon nga cash aid na ang nahatag sa mokabat 13,544,710 beneficiaries.
Dugang pa niini nga anaa na sa 95% ang accomplishment sa programa. Positibo usab si Pamonag nga hapit na nila makumpleto ang pagpang apud-apod ug cash aid gumikan gina-proseso na ang mga gikinahanglang requirements alang sa mosunod nga transfer sa pondo alang ngadto sa mga benepisaryo.
Gipaniguro usab ni Pamonag nga nagpabiling matinud-anon ang DSWD sa padayong pagpanghatag ug emergency subsidy.
