Gipermahan na ni Pangulong Rodrigo Duterte ang Republic act number 11053 o balaod nga nag-amiyenda sa republic act number 8049 o ang anti hazing and regulation of other initiation rites of fraternities, sororities and other organizations.
Base sa bag-ong balaod, tawgon nga Anti-Hazing Act of 2018, O pagbawal sa balaod sa unsa mang matang sa initiation right nga makonsiderang Hazing. Kinahanglan usab nga mangayo ug permiso sa mga otoridad ang unsa mang organisasyon 7 ka adlaw ayha himuon ang initiation rites.
Dapat usab dili mulapas sa tulo ka adlaw ang himuong initiation activities sa mga fraternities, sororities ug uban pang organisasyon. Mas gipalig-on usab sa balaod ang silot alang niini.
Higayon nga mapamatud-an nga may mahitabong hazing ug musangko sa kamatayon, rape, sodomy, ug pagkaputol sa unsa mang parti sa lawas sa biktima sa hazing nga may silot nga reclusion perpetua o tibuok kinaabuhi nga pagkapriso ang ipahamtang sa nakasala gawas pa sa P3,000,000.00 nga multa sa mga direktang lambigit sa hazing.
