Manila, Philippines – Magmugna ug Task Force ang Department of Education (DepEd) alang sa novel coronavirus (nCoV) aron i-address ang mga concern ug hagit sa mga eskwelahan aron nga ipahibalo nga aduna nay kaso niini sa nasud.
Matud kang Education Undersecretary Atty. Nepomuceno Malaluan, nagpahigayon na ug meeting ang mga miyembro sa executive committee sa ahensya ug nasabutan ang pagmugna ug Task Force sa nCoV.
Ang bag-ong Task Force sa nCoV pangunahan ni Education Secretary Briones, apil na ang mga undersecretaries alang sa field operations, administration, and legal isip mga miyembro kung asa kanunay silang makig-alayon sa Department of Health (DOH).
Gibutyag pa ni Malaluan nga ang unang lakang sa Task Force mao ang gilayong pagpagawas ug mga advisory ingon man paghimo ug mga guidelines ug protocols aron nga ma-monitor ug malikayan ang pagkatag sa virus.
Gipaniguro usab ni Malaluan nga sundon nila ang guidelines sa DOH ug sa World Health Organization (WHO) alang sa ilang preventive measures.
Mahimong maampingon usab ang DepEd sa pagpagawas ug anunsiyo sa publiko kalabutan sa nCoV aron dili mag-panic ang publiko partikular ang mga magtutudlo ug mga estudyante.
