Gikonsidera sa Dept. of Justice (DOJ) ang temporaryong suspensyon sa Good Conduct Time Allowance sa mga priso.
Kini human sa gikatakdang pagpagawas sa prisohan sa convicted rapist ug murderer nga si kanhing Calauan, Laguna Mayor Antonio Sanchez.
Matud kang Justice Sec. Menardo Guevarra, gina-review na sa ahensya ang mga regulasyon sa GCTA nga unang gikaingong basihan sa pagbuhi sa bilangguan sa kanhing alkalde ug kapin sa 10,000 ka mga inmates.
Human matud pa sa review, ang bag-ong regulasyon ang himuong basehan sa Bureau of Corrections sa pagpagawas sa kwalipikadong inmate.
Nagtuo sad si Guevarra nga mopaspas ang proseso sa pagbuhi sa mga kwalipikado ug “deserving” nga preso higayon nga magbaton na ug bag-ong guideline.
Facebook Comments
