Mipanaw na sa laing kalibutan si kanhing National Security adviser Roilo Golez sa edad nga 71.
Mibaha ang nagpaabot ug pagsubo gikan sa mga higala ug kabanay sa nahisgutang kanhing opisyal ngadto sa nahibiling pamilya niini.
Nasayran nga kalit lang nga nakabati ug lain sa lawas si Golez kaganinang buntag. Nasayran sab nga gikatakda pa unta kining mutambong sa lihok protesta nga ipahigayon ugmang adlawa dungan sa adlaw sa kagawasan nga nagtumong sa pakigbisog sa katungod sa nasud Pilipinas sa West Philippine Sea.
Kahinumduman nga nahimo unang kongresista sa Parañaque si Golez niadtong tuig 1992 hangtud tuig 2001, ayha kini nahimong security adviser ni kanhing Pangulong Gloria Macapagal-Arroyo gikan sa tuig 2001 hangtud sa tuig 2004.
(Photo From Web)
