Mitaas ang ihap sa mga nagbaton ug dengue sa Central Visayas ug Mindanao sa unang duha ka bulan sa 2019.
Base sa datus sa Department of Health (DOH), kapin sa 4,000 na ang kaso sa dengue sa Central Visayas o 231 percent nga mas taas sa 1,232 nga natala sa samang period niadtong nakalabayng tuig.
Sumala sa DOH, mihapak na sa 29 ang namatay sa dengue sa maong lugar.
Samtang, mikabat usab sa 1,300 ang natalang nagbaton ug dengue sa Zamboanga Peninsula kung asa siyam na ang nakabsan ug kinabuhi.
Tungod niini, mas gipakusgan sa mga Local Government Unit o LGUs ang pagpanghinlu ug fumigation batok sa maong balatian.
Facebook Comments
