Ginpangunahan sang City COMELEC ang oplan Baklas kahapon konsa diin ginpangkakas ang mga campaign materials sang mga kandidato nga nagalapas sa pagsulundan sang Comelec.
Suno kay Election Assistant II Jonathan Sayno, ginsuguran nila ang oplan baklas pag-umpisa sang Campaign period sang National Candidates sang Pebrero 12 kag kahapon amo na ang ikatlo ka beses nga naghiwat sila sang nasambit nga aktibidad.
Ginpahayag ni Sayno nga kalakip sa mga posters nga ila ginpangkakas ang mga oversized kag mga nabutang sa indi designated areas.
Suno pa kay Sayno nga bisan sa designated areas, ginpangkakas man nila ang mga posters sang mga kandidato nga naga-solobra sang sa ginapahanugutan lamang sang Comelec.
Facebook Comments
