DAKO ANG PAGTUO SA Palasyo sa Malacañang nga dapat ipagawas sa Department of Interior and Local Government (DILG) ang mga pangalan sa mga pulitikong mudagan sa umaabot nga piniliay nga anaa sa drugs list ni Pangulong Rodrigo Duterte.
Sumala kang Presidential Communications Secretary Martin Andanar, angayan lang nga magbaton ang katawhang Pilipino ug lider nga hinlo sa iligal nga droga, wala nalambigit sa unsa mang krimen ug wala nalambigit sa unsa mang kabolastogan.
Gibutyag pa ni Andanar nga kalaban sa tanan ang iligal na droga mao nga dili angayang makaangkon ug mga opisyal nga involved sa iligal nga operasyon niini sa nasud hilabi na nga may Executive Order (EO) matud pa si Pangulong Rodrigo Duterte nga nag-institutionalize sa mga polisiya sa pagbatok sa iligal na droga.
Apan Gitin-aw sab ni Andanar nga ayha ipagawas ang pangalan angayan nga nakasuhan na ang maong mga personalidad ug dapat adunay lig-on nga ebidensiya batok sa mga nasampit.
