Gihingusgan sa Malacañang nga walay rason aron nga mangayo ug public apology si Pangulong Rodrigo Duterte kalabutan sa iyang nahimong pahayag nga gihilam niini ang ilang maid niadtong siya anaa pa sa sekondarya.
Gibutyag ni Presidential Spokesman Salvador Panelo, nga himo-himo lang ni Pangulong Duterte ang estorya sa tumong nga ihayag ang mensaheng ipokrito ang mga taga-Simbahang Katolika.
Sumala kang Sec. Panelo, dili kini makonsiderang paglapas sa Code of Conduct and ethical standards for public officials and employees.
Kumbinsido usab si Sec. Panelo nga walay rason nga iundang ni Pangulong Duterte ang samang klase sa mga pahayag nga gikalipay man usab sa mga naminaw.
Wala usab kini gaawhag nga maghimog harassment sa mga kababaihan, hilabi na sa mga katabang o domestic workers sa ubang nasud.
Wala usay malisya ang paglatag ug estorya sa pangulo kalabutan sa gikaingong pagpanghilam niini ug katabang gani nakatawa pa ang mga nagapaminaw..
