Gibarugan ni Vice President Leni Robredo nga dili dapat mahatagan ug ikaduhang higayon si convicted rapist ug murderer nga si kanhing Calauan Mayor Antonio Sanchez.
Si Sanchez ang gikonsiderang nag-unang suspek sa pagpatay sa duha ka mga estudyante sa UP Los Baños niadtong 1993 ug gisilutan ug 7 counts sa reclusion perpetua o 40 ka tuig nga pagkabilanggo.
Sa programang Biserbisyong Leni sa RMN Manila, gihingusgan ni Robredo nga sa kaso sa kanhing alkalde dili angayang hatagan kini ug ‘second chance.’
Matud pa, ang panahon ni Sanchez sa sulod sa selda angayang ihatag kaniya aron nga mabag-o apan daghan gihapon matud pa kinig ginahimo nga ilegal luyo paman nga siya napriso na.
nasayran nga nagpagawas ug desisyon ang Korte Suprema nga himuong retroactive ang pagpatuman sa Republic Act 10592 o Good Conduct Time Allowance Law nga nagkunhod sa prison terms sa usa ka bilanggo base na usab sa ginahimo niini nga maayo sa sulod sa presohan.
