National Vaccination Days gipangandaman sa LGU-Davao

24

Davao City – Ginaplastar na karon sa Department of Health (DOH) ang mga vaccination sites sa syudad sa Davao ug sistema alang sa himuong tulo (3) ka adlaw nga National COVID-19 Vaccination, “Bayanihan, Bakunahan”.

Gibutyag ni Davao City Mayor Sara Duterte-Carpio (sa interbyu sa city-owned radio), ipahigayon ang National Vaccination Days sa November 29 hangtud December 1, 2021.

Mituo ang alkalde nga dako og tabang ang maong aktibidad alang sa pagkab-ot sa herd immunity nga gina-target karon sa lokal nga panggamhanan.


“Naa ‘tay expectation nga dako-dako pud og ma-contribute (sa herd immunity) anang 3-day National COVID-19 Vaccination, “Bayanihan, Bakunahan” nga i-rollout sa Department of Health ug National Government which we are participant as well, ang Davao City,” matud sa mayor.

Giawhag usab ni Duterte-Carpio ang publiko nga dili na hulaton ang maong mga dagkong aktibidad aron makapabakuna, diin mamahimo na nga magpabakuna sa mga vaccination sites karon sa dakbayan nga abli sa general public.

Una nang gianunsyo ni Acting presidential spokesman Cabinet Secretary Karlo Nograles, ideklarang special working days ang November 29 ug December 1, 2021 isip suporta sa National Vaccination Days sa Pilipinas.



RadyoMaN Kirby Manzon

Facebook Comments