General Santos City—Angol ang tulo ka mag barkada human kining gibato sa grupo sa mga kalalakin-an samtang anaa sa usa ka resort nga nahimutang sa barangay Lagao, Gensan sa nakalabayng gabie.
Mga biktima nailhang silang si Roldan Tribunalo, 26, Randy Deleroso, 27, ug jestoni Sapico, 23, pulos residenti sa Nursery Road, Barangay Lagao, Gensan.
Nasayran nga nangaligo ang mga biktima sa maong resort dihang sila natripan sa grupo sa mga batan-on.
Tungod wala nakabantay, nakaangkon gyud ug mga samad ug bun-og ang mga biktima sa nagkandaiyang parti sa kalawasan.
rPaspas man nga misibat ang mga suspek human sa insidenti.samtang ang mga biktima gidala sa Dr. Jorge Royeca Hospital aron nga mapailawom sa medikasyon. Kasamtangan pa ang gihimong imbistigasyon sa kapulisan kalabutan sa insidenti.
