Nadugangan sa subong ang natuga nga danyos sang dry spell dire sa probinsya sang South Cotabato base sa datos nga ginsubmitir sang mga Municipal Agriculture Office sa Provincial Agriculture Office.
Suno kay OPAG Operations Chief Ma. Luisa Santillan halos mga pananom nga mais nga yara sa vegetative kag reproductive stage ang apektado sang tig-ilinit sa banwa sang Surallah, Banga kag Sto. Niño, matapos nga nagpasimpalad pa ang mga mangunguma sa pagtanom bisan gin-abisuhan na ang mga ini.
Sa datos nga ginsubmitir sa ila suno kay Maam Santillan nagalab-ot sa masobra P66.9 million ang danyos sa mais sa banwa sang Surallah, sa banwa sang Sto. Niño nagalab-ot sa P12 million ang danyos sa mais kag palay kag sa Banga yara sa 670 ka ektarya ang apektado sa mais, palay, balinghoy, mani, kapayas, saging nga bag-o lang tanom kag iban pa.
Samtang, ang nasambit suno pa nga datos ang subject pa sa validation kag posible madugangan pa tungod ang iban nga mga Municipal Agriculture Office ang nagapatigayon naman sang assessment sa epekto sang dry spell.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
