Nagpasalig si National Bureau of Investigation (NBI) Bacolod head Renoir Baldovino nga ipaidalom sa Witness Protection Program si Alyas Ady, ang handler ni Novie Andico, ang babaye nga gin-alegar gin-abduct sa 19th Lacson St. sa ciudad sang Bacolod sang Noviembre 19, 2020.
Sa interview sang DYHB kay Baldovino, ginpasalig sini nga hatagan nila proteksyon si Alyas Ady basta nga magtuad ini sa iya nga nahibaluan angut sa pagkadula ni Andico. Una na nga ginpahayag sang NBI nga konektado sa isa ka drug group si Alyas Ady.
Samtang, nakumpirmar man sang DYHB News Team nga may kapulisan na nga nagkadto sa boarding house nanday Andico sa Brgy. 32 agud mag-imbestigar. Madumduman nga sadtong Disyembre 5, nagbiya na sa nasambit nga boarding house ang mga kaupdanan ni Andico.
May nakuha man nga impormasyon ang DYHB News Team nga ang P13.6 million nga balor sang shabu nga nakumpiskar sang Philippine National Police (PNP) Drug Enforcement Group-Special Operations Unit-4 kag 7 sa Scorpio Street, Barangay Singcang-Airport, Bacolod City sang November 23, ang dapat sa boarding house nanday Andico matupa.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
