NBI-XI nasagmuyo sa kotong case dismissal sa 1 pulis, 3 auxillaries

105

Davao City – Gikatakdang mupasaka og motion for reconsideration ang National Bureau of Investigation (NBI) XI ngadto sa City Prosecutor’s Office kabahin sa pagkadismiss sa kaso sa pulis nga giakusahang nangilkil nga si Police Cpl. Renard Aballe ug laing tulo ka police auxillary nga sila Keeven Albarracin, Crespulo Tacaldo Jr., ug Martin Sergio Camacho.

Sa interbiyu sa RMN Davao kang Joel Ayop, spokeperson sa NBI-XI nga nakasaway siya sa piskalya sa kalit nga pagbasura sa maong kaso.


Matud ni Ayop nga wala sila tagai og panahon nga mupadayag sa ilang komento sa counter affidavit sa mga akusado una paman na-dismiss ang kaso.

Giingon ni Ayop nga dunay mga ebidensiya nga ilang gipresenta ug dunay reklamante ug witness nga maoy nakasaksi sa pagkalambigit sa upat ka mga suspek.

Dako usab ang pagtuo ni Ayop nga posebling dunay biases sa pagbasura sa kaso.

RadyoMaN Don Pulayao

Facebook Comments

From Advertisers