NBI XI: Walay nakitang self-defense sa pagpamusil ni Pepino

1961
Davao City – Gitakdang isumite sa National Bureau of Investigation Region XI karong adlawa, (Hulyo 15, 2022) ngadto sa Davao City Prosecutor’s Office, ang mga ebidensiyang ilang mga nakuha sa gilusad nga parallel investigation sa kasong murder nga gipasaka batok kang Dr. Marvin Rey Andrew Pepino kinsa suspek sa pagpusil patay sa 19 anyos nga si Amierkhan Mangacop.

Gibutyag ni Juhary Guro, NBI XI Investigative Agent sa interbyu sa DXDC RMN Davao, sa ilang imbestigasyon wala silay nakita nga self-defense sa pagpusil patay sa akusado ngadto sa biktima.

“ Wala akong nakikitang possible na self-defense kasi when you say self-defense may unlawful aggression siya, sa nakita natin sa kuan na palayo na ang mga tao including the victim papunta sila doon sa mobile patrol from that time wala ng unlawful aggression saka pa sumugod ang subject natin,” matud ni Guro.

Matud ni Guro, isumite nila ang mga sworn affidavits, uban pang mga nakuha nilang mga ebidensya samtang mutunol usab og affidavit ang medico legal sa autopsy result.

Gibutyag ni Guro, si Mangacop nakahiagom og lima ka mga samad pinusilan diin duha ka mga bala ang niigo sa spinal cord niini ug tulo ka mga slugs ang narekober sa sulod sa iyang patay’ng lawas.

Sumala ni Guro, wala nakuha sa closed circuit television (cctv) footage ang aktwal nga pagpusil patay sa biktima, apan base sa pahayag sa mga saksi, nibunlot ug nanion ang suspek og pusil hinungdan nga napugos ang mga kauban sa biktimang muataki ngadto sa suspetsado.



“Hindi siya (victim) ang unang lumapit…ang pinsan.. nung matutukan siya they are trying to get..agawin ang baril, kaya nagkagulo. Para self-defense according to them kasi may baril na, natutukan na sila,” segun niini.

Wala pay nadawat ang atong sibyahanan gikan sa Legal Team sa pamilyang Mangacop, sa resulta sa autopsy sa biktima.


RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments