Wala misalmot kagahapong adlawa nga nationwide transport strike ang National Confederation of Transport Union-Northern Mindanao o NCTU Region 10.
Kini ang gikompirmar ni Joel Gabatan, ang Regional chairman sa NCTU tungod kay wala matud pa nakig-koordinar kanila ang nagpasiugda sa maong transport strike.
Gani bisan ang pagtawag kanila aron sa pagpahibalo sa maong kalihokan ang wala sila gisultihan, busa wala usab sila milihok dinhi sa Cagayan de Oro.
Tungod niini, walay nahitabong pagka-paralisa sa dagan sa transportasyon kagahapong adlawa dinhi sa syudad.
Gani, makita nga busy ang kadalanan kagahapong adlawa gumikan na usab sa mga PUJ nga namasahero.
Hinuon, gingkon ni Gabatan nga ang gihimong transport strike sa kaulohan ang nagpakita sa ilang pagsupak sa modernization program sa gobyerno, aron nga mabag-o na ang mga karaang PUJ nga kinse ka tuig nang nagdagan sa kadalanan.
Dugang pa ni Gabatan, nga dili sila supak sa modernization apan ang ilang gikasupakan ang sistema sa pagpatuman niini gumikan na usab sa kamahal ug dili kini makaya sa mga gagmayng operator.
