Davao City – Gi-angkon karon sa Davao City Health Office (CHO) nga nagkaubos na karon ang edad sa mga nataptan sa balatian nga HIV-AIDS.
Sumala ni Dr. Josephine Villafuerte, City Health Officer, matag adlaw, adunay naga-positibo sa maong balatian sa linghud pa kaayong edad nga 15 hangtod 23 anyos.
Tungod niini, gikinahanglang pakusgan pa ang kampanya, programa ug pag-edukar sa mga batan-on kabahin sa maong peligrosong balatian.
Dugang pa sa hepe sa City Health Office nga adunay usbon nga mga estratehiya sa kampanya kontra niini tungod kay basin ug dili na haom pa karong mga panahona.
Gitataw ni Villafuerte nga ang padayong pagtaas sa mga insidente nagpasabot nga pakusgan gayud ang kampanya aron sila masayud sa mga angay himoon aron malikayan ang maong sakit ilabi na diha sa kabatan-onan.
RadyoMaN Bernard Pantallon
