Nag-sugod na ang Negros Occidental Provincial Tourism Planning Committee sa pag-update sang tourism development plan sa bulig naman sang Department of Tourism (DOT)-Western Visayas (DOT-6).
Suno kay Cristine Mansinares, provincial supervising tourism operations officer, nga lakip sa ila karon gina-tutukan ang integration sang infrastructure particular ang mga dalan nga maga-angot naman sa mga existing, emerging kag potential tourism sites sa palibot sang probinsya.
Ang tourism development plan ang requirement naman sang DOT kag DPWH para naman sa Tourism Road Infrastructure Project.
Nahibalu-an nga nagligad nga tuig, naglab-ot sa 1.76 million ang tourist arrival sa Bacolod kag Negros Occidental.
Ini ang mas mataas sang 2 percent ikumpara sa 1.72 million visitors, nagligad nga 2017.
