General Santos City— Sikop sa mga personahe sa Police Station 7 ang usa ka negosyante nga nailang si Reden Millari, 35 anyos nga residente sa Prk. Banwalan, Brgy. San Jose ning dakbayan.
Sumala pa nga alas 12 pasado ang takna sa sayong kabuntagan karong adlawa, Enero 11, dihang gihimo ang buybust operation sa may Prk. Banwalan, kung asa nakuha gikan sa iyahang posisyon sa illegal nga druga ug marked money.
Dihang gihimo ang interrogation, miangkon ang nahisghutan nga aduna kini gihuptan nga mga armas ug mga bala kung asa lakip sa mga narekober mao ang usa ka kalibre 45 nga armas, mga buhing bala, improvised nga mga pusil ug mga bala sa 12 gauge shotgun ug laing lima ka sachet sa gituuhang shabu.
Apan gihingusgan sa suspek nga igo lang nga gibilin kaniya ang droga ug armas isip collateral. sa kasmatangan, naa sa kustudiya sa Police Station 7 ang suspek ug ginahikay na ang tukmang kasong ipasang-at kaniya.
