Davao City – Midangop sa Talomo PNP ang usa ka negosyante human kini gikawatan og dakong kantidad sa ilang katabang.
Complainant mao si Mercedita Orpeza Marante, hamtung ang pangidaron nga taga Talomo ning siyudad samtang ang suspek naila nga si Mira Intal alyas Michelle ug residente sa Malita Davao Occidental.
Sa rekord nga nahipos sa Talomo PNP ang complainant miingon nga gibutang niya ang iyang salapi ngadto sa iyang bag nga mokantidad og dul an 60,000 pesos.
Niadtong miaging adlaw iyang gi-kompronta ang suspek ug mapahiubsaon nga miangkon nga siya ang mikuha sa dakung kantidad sa salapi.
Apan human sa pipila ka oras nga pag angkon sa biktima kalit kining misibat ug miagi sa likod nga bahin sa ilang panimalay.
Gituohan sa complanant nga miuli na ang suspek sa ilang lugar.
Igo na lang sa pagpatala sa kapolisan sa Talomo ang complainant samtang ang kapolisan gina imbestigahan na ang maong insidente.
RadyoMaN Paul Canono
