General santos City–Patay ang negosyanteng si Jay Engkong,human kining gipusil saw ala mailhing suspek sulod mismo sa iyang tindahan sa Barangay Poblacion, Alabel, Sarangani Province alas 6:00 ang takna kagabie.
Subay sa gihimong imbistigasyon sa Alabel Police Station, nasuta nga duha ka mga lalaki matud pa ang nagpakaron-ingnong customer sa tindahan sa biktimam, pila ka minutos ang nakalabay, didto na gipusil sa mga suspek ang nahisgutang negusyante.
Human sa pagpamusil paspas nga misibat ang mga suspek sakay sa motorsiklo samtang ang biktima wala na nadala pa sa ospital human nga nakaangkon ug samad sa kalawasan.
Sa usa mga anggulong gitutukan karon sa kapulisan sa pagpatay sa biktima mao ang personal grudge human nga aduna na matud pay nagbahad sa kinabuhi sa nasangpit ayha paman kini gipusil patay.
