Patay ang isa ka negosyante, matapos nga tiruhon sa atubang sang Bogs Vulcanizing, Arellano St., Brgy. Zone 3, Koronadal City, alas 6:30 sang gab-i sang Nobyembre 24, 2020.
Ginkilala ang biktima kay Ruby Garcia, 51, may-asawa kag residente sang Camella Homes, Koronadal City.
Sa imbestigasyon sang magsakay na kuntani ang biktima sa ila nga salakyan nga ginamaneho sang iya nga bana nga si Venerando Ong Garcia sang gulpi lang ini nga ginbungguan sang wala nakakilal-an nga suspek kag ginsundan sang duha ka lupok.
Gilayon naman nga nanaug ang bana sini sa ila nga salakyan kag nakita ang asawa nga may igo sang bala sa ulo kag sang buligan ang biktima gintutukan siya sang armas luthang sang suspek.
Gilayon naman nga ginkuha sang suspek ang bag sang biktima kag nagpalagyo sakay sa isa ka Hilux pick-up truck nga wala sang plate number.
Nakuha naman sa crime scene ang 2 ka empty shells.
Sa subong nagapadayon naman ang imbestigasyon sang Koronadal CPS sa insidente sa posible pagkilala kag pag-aresto sa mga suspek.
#ctto
