Sindangan- Igo nalang sa pagpatulo sa mga luha ang usa ka negosyante human nadagit ang iyang salapi sa mga tulisan, nahitabo kini didto sa dalang nasyunal, partikular mente sa may Ramon Magsaysay sakop sa lungsod sa Sindangan mga alas 9:45 kapin kun kulang.
Ang biktima mao si Janice Verano Maningo, 32 anyos residente sa Brgy. Bantayan, Sindagan ning atong probinsya sa Zamboanga Del Norte.
Matod pa, samtang nagkamulo ug pamaligya ang biktima sa iyang mga prutas sa nahisgutan nga lugar, kalit lang miaabot ang duha ka wala mailang lalaki sakay sa Suzuki 110 single motor, mi parada kini sa atubangan sa iyang fruit stand ug matod pa mikanaog ang angkas niini nga nagpatuo nga mo palit ug prutas.
Wala mag tuo ang biktima nga si Janice sa dihang miduol ka niya ang maong lalaki nga mo lanit kini sa pistola dayong tion ngadto kaniya.
Tungod sa kakulba wala na siya nakapugong sa dihang gibira ang iyang sling bag nga adunay sulod sa kantidad nga 9,000mil ug usa ka Visan Cellphone, mo balor sa 5,000mil.
Human makuha ang iyang kwarta dali nga misakay sa motor padulong sa lungsod sa Siayan ang direksyon niini.
Dali usab nagpahigayon ug joint hot pursuit operation ang kapulisan sa Sindangan uban ang bana sa biktima nga si Luciano Maningo aron lakagon ang miikyas ng mga suspek.
Mga alas 12:05AM, nakaplagan sa mga otoridad ang motor nga gisakyan sa mga suspek nga gitagoan sa kamaisan partikular sa may dalang nasyunal brgy. Seryac, lungsod sa Siayan.
Positibo usab kining giila sa iyang bana nga mao kadto ang gisakyan sa mga tulisan sa ilang pag-ikyas.
