Gilayong nakapiyansa ang pamilya sa usa ka negosyante human gisikop mga 11:45 kagahapon sa buntag sa El Salvador City.
Kini ang gibutyag ni SPO1 Jose Gabule, Chief sa warrant section sa El Salvador City Police Station sa interview sa dxCC-RMN Cagayan de Oro.
Ang suspek mao ang 67 anyos nga si Buenaventura Decinilia, minyo ug taga Zone 2, PSB, El Salvador City.
Gi-isyu niadtong Hunyo 26 ning tuiga ang warrant of arrest ni Decinilia sa kasong paglapas sa Batas Pambansa 22 o pag-isyu og tseke nga walay igong pundo.
Gidugang ni SPO1 Gabule nga nakapiyansa ang suspek og 27-mil pesos alang sa iyang temporaryong kagawasan.
Facebook Comments
