General Santos City–3 ka mga search warrant nga pinirmahan ni Hon. Joyce Kho Mirabueno sa RTC Branch 58 ang giimplementa sa naghiusang pwersa sa Police Station 4, Police Station 6, CMFC ug City Intelligence Branch sa mga panimalay sa usa ka negosyante nga si Gulam Damel Albani, 57 anyos nga nanimuyo sa Prk. Masunurin, Barangay San Isidro ning syudad alas 11:00 ang takna sa gabie.
Sumala pa ni P/Lt. Renato Dungca Jr. ang tigpamaba sa GSCPO nga malampusong nakuha sa usa ka balay sa suspect ang usa ka calibre 45 nga armas, 3 ka mga magazines ug 32 ka mga buhing bala.
Dugang pa ni Lt. Dungca nga nakadawat matud pa ang kapulisan ug tip gikan sa ilahang mga informant nga nagahupot ug tag-as nga kalibre sa armas ang nahisgutang suspect hinungdan nga gi-applayan ug search warrantngadto sa korte.
Lakip usab matud pa ang pangalan sa nahisgutan sa ilahang mga person of interest nga naga hatag ug suporta sa usa ka armadong grupo apan wala ginganlan kung unsang grupo ang gisuportahan niini.
Samtang migawas usab sa imbistigasyon sa GSCPO nga posibleng adunay kalambigitan sa pag pamailigya ug smuggled nga mga sigarilyo ang nasangpit human nga nakuhaan usab kini ug pipila ka karton nga smuggled nga sigarilyo.
Kasong pagsupak sa RA 10591 kon illegal possession of fire arms and ammunition samtang naka-kustudiya kini sa Police Station 4. (Dave Silagan)
