BACOLOD CITY – Linibo ka mga Kristiano ang ginapaabot magadagsa padulong sa mga simbahan Katoliko angut sa pagsugod na sang ‘Aguinaldo Mass’ ukon mas kilala bilang ‘Simbang Gabi’ karon sa kaagahon sa bilog nga bahin sang Pilipinas lakip na diri sa ciudad sang Bacolod kag Negros Occidental.
Sa Lupit Church ang Aguinaldo Mass magasugod las 4 sang aga kag may yara man anticipated mass las 7 sang gab-i.
Sa Redemptorist Church ang misa las 4 kag las 5:15 sang aga, samtang sa San Antonio Abad Parish ang misa patigayunon las 4:30 sang aga.
Suno kay Bacolod Traffic Authority Office Head PSupt. Luisito Acebuche nga las 4 palang sang kaagahon ‘deployed’ na ang ila mga traffic enforcers sa mga lugar nga magutok kaangay sang San Sebastian Cathedral sa downtown area, Lupit Church kag Redemptorist.
