BACOLOD CITY – Ginhukas na ang tropical cyclone warning signal no. 1 sa Negros Occidental angut sa tropical depression nga si Agaton.
Base sa severe weather bulletin no. 8 nga ginpagwa sang PAG-ASA, DOST as of 1 pm, nakita ang sentro sang Bagyo Agaton sa kalayuon nga 265 km west sang Dumaguete City, Oriental Negros ukon 245 km east southeast sang Puerto Princesa, Palawan.
Sa karon, ang Palawan na gid lamang lakip na ang Cuyo Island ang yara napaidalum sa signal no. 1 tuga ni Bagyo Agaton.
Ginapaabot nga maga-land fall si Agaton sa Palawan karon sa gab-i.
Suno naman kay Commander Jimmy Oliver Vingno sang Philippine Coastguard Bacolod balik normal na ang tanan nga byahe umpisa kaina las dos.
Facebook Comments
