Negros Occidental – Napasar na sang Provincial Board of Negros Occidental kahapon ang isa ka Appropriation Ordinance angot naman sa pagbakal sang P50M nga brand new nga aircraft.
Suno kay Board Member Salvador Escalante, chairman sang Commmittee on Appropriation and Finance, ini angot man sa request ni Governor Alfredo Maranon, Jr. nga kinahanglan ini sang gobierno provincial sa iya mga hilikuton ilabi na sa pagpauswag sang agrikultura.
Ang Cessna isa sa mga kompaniya sa US nga nagabaligya sang 6 seater nga eroplano sa kalibutan.
Apang, wala naman ini naluyagan ni Vice-Governor Eugenio Jose Lacson sa diin para sa iya impractical para sa probinsya ang pagbakal sang eroplano ilabi na kon ini ang gamiton sa cloud seeding.
Para kay Lacson, tuman ka dako ang gastuhon sang probinsya sa maintenance sini sa ulihi.
Ang P50M ang nasulod sa P191.2M nga supplemental budget sa diin ‘unanimously approved’ ini sang sanggunian sa ila regular session sang Miyerkules.
