NEGROS OCCIDENTAL – Ginhingadlan karon ang probinsya sang Negros Occidental bilang 2nd Most Competitive Province sa bilog nga Western Visayas.
Ang pasidungong ginhatag sa 2nd Regional Development Council VI ceremony sang Competitive LGU nga ginhiwat sa Smallville Complex sa ciudad sang Iloilo sang nagligad nga Biernes, November 16, 2018.
Ginbaton mismo ni Provincial Planning and Development Coordinator Dr. Ma. Lina Sanogal ang amo nga award in behalf ni Gov. Alfredo Maranon Jr. upod si Jhen Medina sang Negros Occidental Provincial Economic Development and Investment Center.
Ang ceremony ginpamunuan sang Co-chairman sang RDC VI Dona Rose Ratilla kag Chairperson sang Regional Investment Coordination Committee sang LGU nga si Ma. Luisa Segovia.
Nagtambong man sa amo nga awarding ceremony si ASEC Demphna Dunaga, Assistant Secretary sang DTI Regional Operations group subong man si DTI Regional Director Rebecca Rascon kag Assistant Regional Director Ermelinda Pollentes./ Photo from Marlin Sanogal FB account
