May nagdugang nga tatlo ka bag-o nga kaso sang COVID-19 sa probinsya sang Negros Occidental, lunsay mga Locally Stranded Individual (LSI) kag naka-quarantine na.
Suno sa Provincial Incident Management Team sang Negros Occidental ini sila mga Locally Stranded Individuals (LSI).
Ini nagalakip sang 19-anyos nga babayi, residente sang Cuayan kag naghalin sa Cebu; 24-anyos nga lalaki halin sa Escalante City halin sa Cebu kag isa ka 30-anyos nga lalaki, residente sang banwa sang Hinobaan halin man sa Cebu.
Ginpahayag nga ang duha ka mga lalaki nga LSI ang naka quarantine facility karon sa ila tagsa ka mga LGU samtang ang babayi naman ang naka-quarantine sa EB Magalona.
Bangud sini, ang Negros Occidental may yara na karon sang kabug-usan nga 27 ka mga kaso sang COVID-19.
[image: image.png]
