Nadugangan sang lima ang mga COVID-19 cases sa Negros Occidental samtang duha naman sa syudad sang Bacolod subong nga Lunes, Hulyo 27.
Apat sa mga kaso sa probinsya ang gikan sa mga locally stranded individuals (LSI) samtang ang isa nga taga-Talisay ang makabig nga local case.
Ang duha naman nga kaso sa Bacolod ang makabig man nga local case.
Suno sa Department of Health Western Visayas Center for Health Development Case Bulletin No. 123, may tig-isa nga kaso subong nga adlaw ang banwa sang Valladolid, Pontevedra kag syudad sang Himamaylan samtang may duha naman ang syudad sang Talisay.
May 49 new cases subong nga Lunes sa rehiyon.
Sa kabilugan may 1,141 total cases na sa Western Visayas kon sa diin 496 ang active cases ukon ang padayon nga ginabulong kag nagapaayo. 19 ang bag-o nga naka-recover rason nga nagsaka na sa 629 ang total recoveries.
Nagapabilin sa 16 ang napatay bangud sa virus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
