Gin-confirm sang Provincial Government sang Negros Oriental subong nga Miyerkules ang dugang nga anum ka kaso sang coronavirus disease 2019 sa probinsya.
Suno kay Provincial Health Office Assistant Officer Dr. Liland Estacion, indi ini makabig nga local transmission sang sakit.
Tatlo sa ila ang naghalin sa syudad sang Bacolod matapos nga na stranded. Duha sa ila ang nakabalik na sa Mabinay kag Vallehermoso, ang isa naman ang OFW nagikan sa Manila kag na stranded sa Bacolod apang sa karon yara na sa Mabinay.
Breakdown sang mga bag-o nga kaso: • 2 taga nga taga Ayungon sakay sang fishing vessel nga Philip D.R. • 2 taga Mabinay (isa ka OFW halin Manila na stranded sa Bacolod, isa ang locally stranded individual (LSI) gikan Bacolod) • 1 taga Sibulan (LSI gikan Barili, Cebu) • 1 taga Vallehermoso (LSI gikan Bacolod City)
Sa karon naglab-ot na sa dise siete (17) ang kabilugan sang COVID-19 cases sa Negros Oriental kag ginapaseguro naman ni Governor Roel Degamo sa pumuluyo sang probinsya nga indi magkahangawa bangud ang mga pasyente ang yara naka-quarantine sa pasilidad sang probinsya.
[image: image.png]
