Negros Oriental police director Col. Raul Tacaca ang gin-relieved na sa pwesto matapos ang asud-asud nga pinatyanay sa probinsya.
Ini ang ginkumpermar ni Philippine National Police Spokesperson Brig. Gen. Bernard Banac.
Suno kay Banac, ang pag relieved kay Tacaca ang paghatag ligwa sa imbestigasyon sa posible lapses sang iya pagpamuno kag para masanagan ang pila ka high profile nga pinatyanay sa Negros Oriental.
Dugang pa sini nga ang peace and order situation sa Negros Oriental ang under control kag ang mga otoridad ang yara sa full alert para mapagar ang krimen.
Gintugyan naman kay Central Visayas police chief Brig. Gen. Debold Sinas ang pag designar sa maga pamuno ukon officer-in-charge para sa Negros Oriental Police Provincial Office.
Samtang, ginmando ni PNP chief Gen. Albayalde sa PNP Directorate for Investigation and Detective Management nga maga-lead sa task force para mag-imbestigar sa amo nga serye sang pinatyanay.
Madumduman nga sa sini nga bulan, 17 ka tawo ang ginpamatay sa separado nga lugar dala na dire ang school principal, empleyado sang DepEd, human rights lawyer, public official kag barangay chairman kag ginatudlo dire sang otoridad maykahimu-an sang krimen amo ang NPA, apang ini ang gin-deny sang New Peoples’ Army.
Samtang, apat man ka mga pulis ang gin-tortured antis ginpatay sa banwa sang Ayungon ang gin-ako naman sang NPA.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
