General Santos City—gideklarang dead on arrival sa Diagan’s Hospital ang usa ka negusyante human kining gipusil saw ala pa mailhing suspek atubangan mismo sa iyang tindahan sa may Bo. Obrero, Barangay North Gensan alas alas 8:00 ang takna sa gabie, Domingo, August 6, 2017.
Ang biktima nailhang si Brando Liquit Arcamo, 36, negusyante, residenti sa Torres Street, Barangay North Gensan.
Subay sa inisyal nga report sa Police Station 1, nasuta nga anaa atubangan sa iyang tindahan ang nahisgutan nagbantay sa iyang baligyang Barbeque kalit miabot ang duha ka mga suspek nga sakay sa motorsiklo dayon gipusil ang biktima usa ka higayon igo sa iyang dughan.
Paspas nga misibat ang mga suspek sa wala sayring lugar samtang ang biktima gidala sa iyang mga kabanay sa Diagan’s Hospital apan gideklara kining dead on arrival.
Sumala ni Hydieliza, igsuon sa biktima nga sila sa pamilya blangko sa motibo sa pagpatay sa iyang igsuon. Sumala niini nga usa ka buotan ug nag tinarong sa iyang negusyo nga feeds ug barbeque ang iyang igsuon.
Wala usab silay nasayran nga duna kini kalaban ug nabingkil ug labaw sa tanan wala usab kini bisyo.
Gani dihang iyang nasayran ang nahitabo sa iyang igsuon dawsa dili gyud kini makatuo tungod walay rason matud pa nga patyon ang biktima.
Hustisya mao nalang kini ang singgit sa pamilya ug sila mihangyo sa kapulisan nga unta mapaspasan ang pagsulbad sa kaso sa iyang igsuon.
Sa kasamtangan padayon na nag gihimong imbistigasyon sa kapulisan kalabutan sa insidenti ug ginasuta pa kung silang si kinsa ang suspek sa krimen.
