General Santos City—midangop sa buhatan sa Police Station 3 ang usa ka 37 anyos nga negusyante human niyang nasakpan sa akto ang iyang live-in partner nga naghubo uban sa kukadidang niini sulod mismo sa boarding house nga iyang giabangan sa may Purok Balite, Barangay Lagao, Gensan.
Ang biktima itago lang sa pangalang alias Kalid, 27, residenti sa Room 10, Purok Islam, Barangay South ug Temporaryong nagpuyo sa Balite Barangay Lagao.
Alas 7:00 sa buntag kagahapong adlawa, Domingo, Sept. 10, 2017 miuli ang nahisgutan sa ilang boarding gikan kini sa iyang tindahan apan nakurat nalang ang nahisgutan dihang iyang naabtan ang iyang kapuyo nga itago lang ug Lovely, 19 anyos u gang security guard nga itago lang sa pangalang Nestor, 26 anyos.
Naaktuhan gyud nga nahisgutan nga naghubo ang duruha samtang anaa sa ilang lawak. Gilayong gidasmagan sa negusyante ang lalaki aron unta dakpon apan midagan kining nakahubo samtang bitbit ang iyang senina. Gumikan s tumang kaguso, iya kining gireklamo sa kapulisan.
